Foreldrablaðið - 01.01.1964, Page 29
ÚR DAGBOK LÍFSINS
\Jiktal í/iVf Tlja^núi Cjiiíaion, ilófaitjóra.
ForeltlrablaSinu ])ótti ástæSa til aS flytja lesendum sínum fregnir af
því, hvernig og hvers vegna þessi sérstæða kvikmynd, Úr dagbók lífs-
ins, varð til. I»að óskaði því viðtals við Magnús Sigurðsson, skólastjóra,
og fer það hér á cftir.
— Kvikmynd þín, tJr dagbók lífsins-
hefur vakið talsverða athygli.
„Já, og ég tel það eðlilegt, þar sem
hún fjallar um efni, sem nú er að
verða mikið vandamál. Að sjálfsögðu
er mér það gleðiefni, að myndinni hef-
ur verið svo vel tekið, ekki sízt þar sem
mér var það ljóst, að á henni voru
margir gallar. Raunar tel ég þá minni
en við mætti húast, þar sem hér skort-
ir flest það, sem veitir góða aðstöðu til
slíkrar myndagerðar.“
— Hvernig gekk þér að fá fólk til
að leika í myndinni?
„Frá upphafi var ég ákveðinn í að
reyna að fá óvana leikara, til þess að
myndin yrði sem eðlilegust. Sneri ég
mér aðallega til kennara og varð vel
til. Að vísu tóku allir þessu fjarri í
fyrstu, en þegar þeir vissu um efni
myndarinnar og tilgang, voru þeir fús-
ir að leggja málinu lið, en auðvitað gáf-
ust sumir upp við leiklistina."
— Er langt síðan þú fékkst þessa
hugmynd?
„Það eru senn sjö ár. Það var á
byrjunarárum starfsins í Breiðavík. Þá
vissu færri en nú, hvert starf var að
hefjast þar, og hve nauðsynlegt það
var. Þá lét ég taka þar kvikmynd til
að sýna fjárveitinganefnd Alþingis og
öðrum ráðamönnum, hvað þarna var
að gerast. Árangurinn varð svo mikill,
að hann leiddi til þess, að haldið var
áfram.“
— Hver kostaði þessa myndatöku í
Breiðavík?
„Hana kostaði ég að öllu leyti.“
— Og hve mikill varð sá kostnaður?
„Útlagður kostnaður var um 25 þús-
und krónur, en þess er að gæta, að þá
var allt ódýrara en nú.“
— Hvenær byrjaðir þú svo á seinni
myndinni?
„Hún var, að heita mátti, beint fram-
hald af Breiðavikurmyndinni.“
FORELDRABLAÐIÐ 27