Skólavarðan - 01.08.2001, Blaðsíða 14
Allir aðilar vilja leggja áherslu á samfellu
og samstarf. Til að tryggja það var ákveðið
að fá skóla á öllum skólastigum í Kópa-
vogsbæ til samstarfs en auk þess grunn-
skóla úti á landi, Grunnskóla Fjarðar-
byggðar á Reyðarfirði, Eskifirði og Norð-
firði. Í Kópavogsbæ eru með í verkefninu
Heilsuleikskólinn Urðarhóll, sem er rekinn
í þremur húsum, Urðarhóli, Stubbaseli og
Skólatröð, tveir grunnskólar, Kópavogs-
skóli og Snælandsskóli og einnig Mennta-
skólinn í Kópavogi. Þannig er reynt að
tryggja að nemendur séu í heilsueflandi
skóla frá upphafi skólagöngu.
Sérstök áhersla er lögð á eflingu geðheil-
brigðis til að minnka líkur á áhættuhegðun
eins og neyslu tóbaks, áfengis og annarra
fíkniefna, einelti og sjálfsvígum. Leitast er við
að allt skólastarf, umhverfi skólanna og sam-
starf við foreldra og aðra í samfélaginu miði
að því að nemendum líði og farnist sem best.
Markmið heilsueflingar í skólum á
Íslandi
• Að samfélagið veiti möguleika og
skuldbindi sig til að skapa heilsueflandi
umhverfi. Það auðveldar skólasamfélaginu
að stjórna eigin heilsu með stjórnunarað-
gerðum, samskiptum innan og utan skóla,
kennsluaðferðum, virku samstarfi og þátt-
töku í samfélaginu.
• Að skólasamfélagið efli skilning nem-
enda og heilbrigði, líkamlega, félagslega og
andlega. Þekkingaröflunin ein nægir ekki,
það þarf að breyta atferlinu varanlega í
samræmi við þekkinguna. Heilbrigði er
ekki einkamál einstaklingsins. Þeir sem lifa
í samfélagi hafa áhrif hver á annan. Með
því að stuðla meðvitað að eigin heilbrigði
höfum við áhrif á heilbrigði náungans.
Til að ná þessu fram þarf:
• Öllum að líða vel í skólanum, bæði
líkamlega og andlega.
• Að auka þekkingu einstaklinga
innan skólans og í samfélaginu á
eigin heilsu.
• Að þjálfa hæfileika og sjálfsvitund
einstaklinga til að lifa heilbrigðu lífi.
• Hver skóli að setja sér markmið er
stuðlar að heilsueflingu allra.
• Að fá alla í skólasamfélaginu til að
taka virkan þátt í verkefninu.
• Skólanámskrá að taka mið af
líkamlegri, félagslegri og andlegri
heilsueflingu.
• Að auka markvissara samstarf skóla
og heilsugæslu.
• Að efla félagsfærni með því að hafa
öll samskipti innan skóla og við
foreldra og forráðamenn ánægjuleg
og gjöful.
• Að koma á góðum samskiptum við
aðra skóla, foreldra og forráðamenn
og bæjarfélag með hliðsjón af
heilsueflingu.
• Samfélagið að vera umhverfisvænt.
Samstarfið skólaárið 2000 til 2001
Meginverkefnið var að fræða sem flesta í
skólasamfélaginu um ýmsa þætti er tengjast
heilsueflingu. Var það gert með því að
halda fundi, námskeið og ráðstefnur og
fengnir til þess ýmsir sérfræðingar úr þjóð-
félaginu.
Í fræðslu á þessu tímabili var lögð meg-
ináhersla á fimm þætti.
1. Skapandi og gott vinnuumhverfi
Félagslegur og andlegur aðbúnaður á
vinnustað, vinnuumhverfi í skólum, vinna
við tölvur og hléleikfimi. Einnig var átakið
Bakverkurinn burt kynnt.
2. Geðrækt
Geðheilsa og geðraskanir, geðrækt og
kynning á nýju námsefni Geðræktar um
geðheilsueflingu í skólum.
3. Hreyfing og dans
Íþróttir fyrir alla, námskrá grunnskóla
með hliðsjón af hreyfingu, skólalóðin,
íþróttir í leikskóla, heilsuefling-mannrækt,
lífið gefur okkur meira með hreyfingu,
hreyfing-dans í skólastofu og slökun.
4. Greind eða greindir?
Ein greind eða fleiri, kenning Gardner
um margs konar greind, hagnýting kenn-
ingarinnar, sýnishorn af kennslustund mið-
að við hana, tilfinningagreind, tilfinninga-
læsi og tilfinningaólæsi.
5. Hollur matur í skóla
Matur, líðan og heilsa barna, eigið
mataræði skoðað, hvað hefur áhrif á holda-
far barna? Sykursæt börn, matur í skóla,
bjóðum grænmeti og ávexti í skólum og
hvar er að finna upplýsingar um hollustu?
Heilsueflingarskólarnir
Skólarnir hafa unnið í því að setja sér
heilsueflingarmarkmið og notuðu misjafnar
aðferðir við það. Áhersla var lögð á að allir
í skólasamfélaginu tækju þátt í þeirri vinnu.
Í framhaldi af því hafa skólarnir komið
markmiðum sínum áfram inn í almennt
skólastarf.
Verkefnið er því hluti af sjálfsmati skól-
anna og einn hlekkur í keðju þróunar og
framfara.
Sérstakir dagar hafa verið í skólunum er
stuðla að bættri heilsu allra.
Samstarf við heilsugæslu
Skólarnir og heilsugæslan starfa nú
meira saman og út frá víðara sjónarhorni
en áður hefur tíðkast.
Þar má til dæmis nefna samstarfsverkefni
Heilsugæslu Kópavogs og Heilsuleikskól-
ans Urðarhóls.
Hjúkrunarfræðingur kemur í leikskólann
einu sinni í viku og gerir þar þriggja og
hálfs og fimm ára líkams- og þroskamat
sem áður voru gerð í heilsugæslustöðinni.
Samstarfsverkefnið hefur tekist vel. Barnið
er samvinnuþýðara í daglegu umhverfi
sínu, sem það þekkir vel, og allar upplýs-
ingar eru nánari þar sem hjúkrunarfræð-
ingurinn getur rætt bæði við foreldra og
starfsfólk leikskólans um barnið. Jafnframt
veitir hann leikskólanum ráðgjöf í málefn-
um er stuðla að almennri heilsu.
Hvað er framundan?
Heilsueflingarskólarnir munu nú vinna
að þeim verkefnum og markmiðum sem
greining á þörfum og vinna við stefnumót-
un leiddu af sér.
Umsjónaraðilar Heilsueflingar í skólum
munu vinna að gerð leiðbeininga til að auð-
velda öðrum skólum að verða heilsueflandi.
Anna Lea Björnsdóttir
Höfundur er verkefnisstjóri verkefnisins
Heilsuefling í skólum.
Hei lsuef l ing
16
Heilsuefling: Ferli sem
auðveldar fólki að hafa
vald á og auka eigið heil-
brigði og samfélagsins.
Heilsuefling í skólum
miðar ekki eingöngu að
fræðslu og því síður að
heilsufarsskoðun, heldur
að gera allt umhverfi
skólans, lifandi og dautt,
að uppsprettu heilbrigðis.
„Meginverkefnið var að fræða sem flesta í
skólasamfélaginu um ýmsa þætti er tengjast
heilsueflingu,“ segir Anna Lea Björnsdóttir.