Vísbending - 20.12.2019, Blaðsíða 3
V Í S B E N D I N G • 4 7 . T B L . 2 0 1 9 3
í nýlegri grein í The Nation.8
Þó að Volcker hafi tekist að
koma verðbólguvæntingum niður
í kjölfarið þá er nokkuð ljóst að sú
vaxtahækkunaraðferð dugar ekki í
efnahagsumhverfi dagsins í dag. Það sem
gerðist í raun á óðaverðbólgutímanum
var að í stað þess að stýra vöxtunum þá
fólst breytingin í því að fara að stýra
peningamagni og var það gert með
því að blanda markaðsaðilum inn í þá
magnaukningu eða minnkun. Þessari
nýsköpun í peningastjórn fylgdu auk
vaxtahækkana tvær samhangandi
efnahagslægðir áður en að hægt var að
byrja að lækka vexti aftur árið 1982
og töluvert síðar var verðstöðugleika
lokst náð.9 Atvinnuleysi jókst verulega
á þessum tíma og í fyrsta sinn þurfti
seðlabankastjóri lífverði vegna ógna
frá atvinnulausum verkamönnum eða
atvinnurekendum á leið í þrot.
Á þessum tíma var hins vegar ekki
til jafna sem skilgreindi verðstöðugleika
við 2% verðbólgumarkmið. Því hefur
verið haldið fram að Volcker myndi alveg
vera sáttur við 4% verðbólgu við vissar
aðstæður, verðstöðugleiki er nefninlega
ekki formúla heldur hugarástand (e.
state of mind) á hann að hafa sagt.10Hins
vegar á Volcker einnig að hafa spurt
hvers vegna nokkur ætti að sætta sig við
viðvarandi 2% verðbólgu þar sem að
hún þýddi að kaupmáttur minnki þá um
helming á einni starfsævi.
Reagan hafði árið 1986 náð að
tilefna fjóra sér hliðholla aðila í sjö
manna peningastefnunefnd sem vildu
lækka stýrivexti. Þeir beittu einnig
þeim rökum að ekki væri hægt að stýra
seðlabankanum af aðeins einum manni.
Volcker vildi halda vöxtum óbreyttum
en lenti í minnihluta. Hann gekk út af
fundinum og skellti hurðinni á eftir
sér með þeim orðum að þau gætu sjálf
stýrt seðlabankanum héðan í frá, en þá
án sín, og fór og skrifaði uppsagnarbréf
inn á skrifstofu sinni. Hins vegar fóru
mál þannig að síðar um daginn dró einn
nefndarmanna atkvæði sitt til baka og
uppsagnarbréfið því aldrei undirritað.
Þessi saga sýnir einurð Volckers við að
varðveita sjálfstæði seðlabankans og láta
ekki pólitík hafa þar áhrif.
Það var ávallt lykilatriði að mati
Volckers að nýta vel tímann á milli krísa
til þess að byggja upp trúverðugleika
sem er seðlabönkum lífsnauðsynlegur
þegar að krísan kemur. Það var einmitt
mantra Volckers í krísunni 2008-9
sem hann margsagði þá að traustið eða
trúverðugleikinn er það eina sem þú
átt raunverulega.11Trúverðugleikann
er erfitt að byggja upp þegar í óefnið er
komið.
Undir lok sjálfsævisögu sinnar segir
Volker frá því hversu vel hann kunni
við að búa í Washington. Þar átti hann
marga góða vini sem flestir störfuð í
opinberri stjórnsýslu og hann segir frá því
hvernig þeir fundu til stolts við að byggja
upp vandaða stjórnsýslu, efnahagslega
stefnumótun, hugmyndafræði hinnar
frjálsu lýðræðilegu heimsmyndar
sem byggði á réttarríkinu (e. rule of
law) og opnum mörkuðum (e. open
markets) og frjálsum viðskiptum (e.
free trade). Í dag er umhverfið þar allt í
grundvallaratriðum öðruvísi.12
Stjórnmálaástand heimsins
Þremur mánuðum áður en hann lést,
skrifaði Volcker sína síðustu ritgerð,
sem mun birtast sem eftirmáli að
endurútgáfu að sjálfsævisögu hans, sem
kom fyrst út í október 2018. Financial
Times birti eftirmálann13 þremur
dögum eftir að hann féll frá. Þar segir
hann það hafa verið orðið ljóst sumarið
2018 að Bandaríkin og heimsskipulagið
sem þau höfðu stuðlað að stóðu
frammi fyrir djúpstæðum pólitískum,
efnahagslegum og menningarlegum
áskorunum. Bandaríkin sem leiðtogaríki
hins frjálsa heims og fyrirmynd
lýðræðisuppbyggingar, opinna markaða,
frjálsra viðskipta og hagsældar, voru
það ekki lengur. Hvort sem það er
tilviljun eða af skipulögðum toga þá eru
nú virk öfl sem að grafa undan trausti
og trú á stjórnkerfið, stefnumótun og
stofnanir. Þessi undirróður er nú miklu
sterkara heldur en stefna Reagan um
að vandamálið felist í ríkisvaldinu (e.
government is the problem) þegar að hann
vann að mikilli minnkun ríkisafskipta.
Í dag erum við að horfast í augu við
eyðileggingu á stofnanauppbyggingu
sem hefur tekið marga áratugi t.d. til
að vernda loftgæði, vatn og veðurfar.
Jafnvel er reynt að brjóta niður stoðir
lýðræðisins um kosningarétt og
sanngjarnar kosningar, lög og reglu,
frjálsa fjölmiðla, aðskilnað valds, traust á
vísindum og sannleikann sjálfan.14
Þegar sjálfsævisagan15 sem kom
út í fyrra var skrifuð þá hafði forseti
Bandaríkjanna ekki ráðist á sjálfstæði
seðlabankans sem gerði höfundinn
feginn, en í eftirmálanum sem kemur
út á næsta ári segir skýrt að sú væri
ekki lengur raunin. Hin miklu afskipti
forseta af seðlabankanum sem birst hafa
síðastliðið ár hafa aldrei sést síðan í seinni
heimstyrjöldinni. Það veldur miklum
áhyggjum þar sem stofnanahönnun
og regluumhverfi seðlabanka verður
að vernda þá frá flokkshagsmunum
eða árásum hagsmunaafla svo þeir geti
stuðlað að þjóðarhag.16
Hinn 92 ára Volcker endar
eftirmálann sem voru hans síðustu
skrif með þessum orðum: „Fyrir 75
árum stóðu Bandaríkjamenn frammi
fyrir þeirri áskorun að berjast gegn
harðstjórnum erlendis. Þá stóðu
bandamenn saman til þess að verja og
viðhalda hinu lýðræðilega frelsi sem
hafði verið barist fyrir. Kynslóð dagsins
í dag stendur frammi fyrir öðrum
tilvistarvanda. Hvernig við bregðumst
við ræður úrslitum um framtíð lýðræðis
og endanlega jarðarinnar sjálfrar. Þann
vanda þarf að takast á við - honum er
ekki hægt að víkja til hliðar.“17
Í þessum skrifum er mikilvægt að átta
sig á þeirri hugsun sem birtist í vönduðu
orðavali. Volcker notar mjög meðvitað
hugtökin opnir markaðir (e. open
markets) og frjáls viðskipti (e. free trade).
Frjálsir markaðir eru ekki til enda reglur
og eftirlit forsenda þess að þeir virki sem