Sjómannablaðið Víkingur - 01.01.2009, Qupperneq 42
– Sjómannablaðið Víkingur
álinn til niðurrifs. Þegar þetta er skrifað er Clemenceau komin
til Hartlepool í Englandi og búast allir við því að loksins ljúki
sögu þessa skips.
Staðið í stafni
Eitt frægasta atriði myndarinnar Titanic er án vafa þegar
Kate Winslet og Leonardo di Caprio standa í stafni skipsins,
hamingjusöm á leið til fyrirheitna landsins. Það hafa margir
túlkað þetta atriðið bæði í gamni sem alvöru en nú hefur
Frakkinn Jacques Dworczak freistað þess að auðgast á þeim
möguleika að áhugasamir vilji leika atriði þeirra Winslet og di
Caprio eftir.
Það er nokkur ár liðin síðan skemmtiferðaskipinu Blue Lady
var siglt upp í fjöru á Indlandi til þess að mæta örlögum sínum
hjá brotajárnskaupmanninum. Blue Lady hét áður Norway og
þar áður France. Sem slík var hún stolt franska kaupskipa-
flotans og sala skipsins frá Frakklandi árið 197 olli miklum
mótmælum þar í landi.
Jacques sá sér nú leik á borði og heimsótti brotajárnskaup-
manninn og samdi við hann um kaup á einu og öðru úr skip-
inu sem hann hugðist selja í sínu heimalandi. Meðal þess sem
hann náði eignarhaldi á var blástefni skipsins og í byrjun febrú-
ar var því komið fyrir á Champs Elysées til að freista væntan-
legra kaupenda en vonast var til að allt að 80 – 100 þúsund
evrur fengist fyrir gripinn. Og viti menn, enn virðast vera til
efnaðir einstaklingar þar sem þessi ,5 metra stefnishluti, sem
vegur um tonn, var seldur á 7 þúsund evrur. Það var
Frakki frá Normandy sem eignaðist stefnið og getur hann nú
staðið í stafni allan sólarhringinn.
Þar fór eitt í viðbót
Stýrimaðurinn á flutningaskipinu Mirabelle, sem strandaði í
Harðangursfirðinum um miðjan janúar sl., er ekki fyrsti stýri-
maðurinn sem sofnar á vaktinni. Þver á móti virðist það færast
í vöxt að menn séu svo þreyttir, siglandi um sker og grunnsævi,
að þeir ná ekki að halda sér vakandi með tilheyrandi tjóni.
Stýrimaðurinn á Mirabelle hefur eflaust ekki búist við að
draumurinn endaði með því að skipið sykki að hluta. Þetta er
því miður ekki í fyrsta sinn sem þetta skip kemst í heimspress-
una sökum óhappa en árið 006 sigldi skipið undir Stóra-
beltisbrúna með þeim afleiðingum að tveir kranar og stjórnpall
tók af skipinu. Vakthafandi stýrimaður í því tilfelli lét lífið en
hann hafði innbyrt mikið magn af áfengi áður en skipið kom að
brúnni.
Eftir strandið var skipið dæmt ónýtt en nýjustu fréttir herma
að einhverjir hefðu áhuga á að kaupa flakið og gera við það
þannig að unnt verði að sigla því áfram um heimshöfin. Ef svo
reynist skulum við vona að gæfan fari að gera vart við sig um
borð en hana hafði skipið alla vega meðan það sigldi um
strendur Íslands sem Mánafoss, leiguskip Eimskipa hér áður
fyrr á árum.
Nýtt veiðieftirlitsskip
Nú eru Danir brátt að fá nýtt fiskveiðieftirlitsskip en árið
007 var samið við spænska skipasmíðastöð, Asitlleros M. Cies
í Vígo, um smíði á skipinu sem boðið var út á evrópska efna-
hagssvæðinu. Um er að ræða 68 metra langt skip sem á að
ganga 18 hnúta. Kemur það til með að leysa af hólmi eldra
skip sem smíðað var árið 1968. Margar spænskar skipa-
smíðastöðvar hafa átt í miklum erfiðleikum með að standa við
gerða smíðasamninga hvað afhendingatíma varðar en miklar
vonir eru bundnar við að skipið verði þó afhent á réttum tíma í
júní n.k. Sitt sýnist hverjum um fegurð skipsins en ég læt
ykkur um að dæma þar um.
Mirabelle hálfsokkin í Harðangursfirði.
Stefnið á gamla France gerði eigandann nokkuð ríkan.