Húnvetningur - 01.06.1944, Blaðsíða 2
2
HÚN VETNIN GUR
er flutt sjóleiðina, svo hér er um miklar
vörur og verðmæti að ræða, og mikið í
húfi fyrir alla að vel og giftusamlega tak-
ist til um upp- og framskipun.
Nú er ástandið þannig með bryggjuna,
að segja má að hún sé ekki nothæf í því
ástandi sem hún er nú. Eins og þeir vita,
sem til þekkja, hafa verið á bryggjunni
tveir „kranar“, til afnota við að hala báta
upp og niður við afgreiðslu skipa, svo og til
þess að taka vörur upp úr bátum. í apríl
s. 1. brotnaði svo annar þessara „krana“,
og hefir enn ekki fengizt úr því bætt, þrátt
fyrir ítrekaðar tilraunir.
Við þetta gerbreyttist og versnaði öll
aðstaða hvað upp- og framsetningu á
bátum snertir, því frá þeim tíma hefir
orðið að setja þá með handafli einu, þann-
ig, að taka verður bátana ofan af bryggj-
unni þar sem hún er meira en tvær álnir
á hæð, og koma þeim svo aftur upp á
sama stað, að aflokinni notkun. Uppskip-
unarbátarnir eru stórir og þungir, og er
því augljóst að þetta er mjög erfitt og
seinlegt verk. Við þetta bætist svo, að oft
verða menn að standa í sjó upp undir
hendur, í hvaða veðri sem er, og má þá
oft litlu muna að ekki hljótist slys af. Auk
þessa er svo þessi meðferð á bátunum á-
kaflega slæm, þeir vilja liðast og verða ó-
þéttir, og alltaf mikil hætta á, að þeir
beinlínis brotni.
Ekki er hægt að vinna að setningi um
fjöru, og ekki fyr en er hálffallið, og vegna
þess, að ekki er hægt að bjarga bátum,
nema á vissum tíma sjávarfalla, er alltaf
mikil áhætta að setja þá á sjó, þar sem
iðulega brimar hér á örstuttum tíma, og
þá er engin leið til bjargar.
Taki maður svo kostnaðarhliðina, er út-
koman sízt betri, setningur á bátum upp
og ofan kostar alltaf fleiri hundruð krón-
ur á þennan hátt, í hvert sinn. Ofan á
þetta bætist svo að taka hefir orðið í
burtu mótorvél úr öðrum uppskipunar-
bátnum — en hann var jafnframt notað-
ur sem dráttarbátur — til þess að gera
hann meðfærilegan í setningi, og er því
ekki lengur um þann vinnusparnað og
þægindi að ræða að hafa dráttarbát,
nema að fá hann einhversstaðar að í hvert
sinn, og það kostar mikið.
Þó að uppskipun hér hjá kaupfélaginu
þyki dýr og sé það óneitanlega, þá liggur
ekki við, að sá rekstur beri sig, eða yfir-
leitt það að hafa afgreiðslu skipanna með
höndum, eins og nú er háttað.
Ég er alveg viss um að beint tap félags-
ins á þessum rekstri hefir skipt mörg þús-
und krónum árið sem leið. Þetta hefir að
vísu ekki verið gert upp enn, en það mun
verða gert síðar. Sem lítið dæmi um þetta
vil ég nefna, að þegar Súðin kom hér sein-
ast, var hallinn á afgreiðslu hennar rúm-
ar ellefu hundruð krónur, þó var aðstaða
öll sæmileg, eftir atvikum, gott veður og
unnið við lægsta kauptaxta (dagvinna).
Hefði skipið nú verið hér að nóttu til, eins
og oft vill verða, hefði tapið orðið miklu
meira. Fyrir utan þetta er svo allur snjó-
mokstur af bryggjuveginum, en hann verð-
ur kaupfélagið líka að borga.
Það er nú ekki undarlegt þó að mörg-
um kunni að þykja þetta ófögur lýsing,
og líkari því að hún væri tekin aftan úr
forneskju, en að þetta ætti sér stað nú á
tímum og það í einu blómlegasta og
byggilegasta héraði landsins, en útlitið er
ekki glæsilegt. Nú þegar þetta er ritað, —
fyrstu dagana í febrúar — er víða snjó-
þungt og jarðlítið í héraðinu, hey lítil og
slæm eftir óhagstætt sumar, og þörfin
fyrir aðfluttan fóðurbæti því mikil. Nú
hefir verið pantað mikið af rúgmjöli til*
skepnufóðurs, og fengið leyfi fyrir. Er
vonandi að betur rætist úr en áhorfist með
að ná þvi í land — ásamt öðrum vörum —
þegar þar að kemur.
Nú munu menn spyrja, hvað helzt sé til
ráða í þessu máli, til úrbóta, og er þá ekki
um nema tvær leiðir að velja. Önnur er
sú, að reyna að bæta þá aðstöðu sem hér