Rauði borðinn : fréttabréf alnæmissamtakanna á Íslandi - 01.12.1996, Síða 10
Fréttabréf Alnæmissamtakanna á Islandi
NordPol
Fundur um félagsleg málefni hiv-
jákvæðra á Norðurlöndum.
Allt síðan fyrsta NordAll ráðstefnan var
sett í Stokkhólmi 1989, hefur í tengslum
við hana verið haldinn fundur um félags-
leg málefni „socialpolitiskt möte.“ Þessi
fundur er hinn pólitíski þáttur ráðstefn-
unnar og á að standa vörð um réttindi hiv-
jákvæðra á Norðurlöndum. Þarna eru
meðhöndluð mikilvæg mál fyrir okkur
hiv-jákvæða, eins og t.d. sænsku smit-
sjúkdómalögin, en þau hafa komið til
umræðu á öllum fundunum hingað til. Því
miður tókst ekki að hindra norsk stjórn-
völd í að taka í gildi sín eigin smitsjúk-
dómalög, en samt fengum við því áorkað
að verstu hlutarnir úr sænsku lögunum
voru ekki í þeim norsku.
Það, að fundurinn um félagsleg
málefni var aðeins haldinn einu sinni á
ári, og að enginn fylgdi eftir niður-
stöðum fundarins, þótti mikill ókostur.
Þess vegna var ákveðið á NordAll '95 í
Noregi að stofna sam-norræn samtök
sem fengu nafnið NordPol. Þeim er m.a.
ætlað að vinna úr þeim tillögum sem
koma fram á félagslega fundinum og
skulu haldnir tveir fundir á ári með 1-2
þátttakendum frá hverju Norðurlandi.
Fundirnir fara fram í því landi sem
NordAll ráðstefnan er haldin hverju
sinni.
Eina helgi í nóvember í fyrra var
fyrsti fundur NordPol hér á landi. Einn
fulltrúi frá hverju landi tók þátt í fund-
inum, ásamt framkvæmdanefnd Nord-
All '96 frá Jákvæða hópnum hér. Á
fundinum voru samin lög NordPols og
markmið. Þar var einnig sett á blað hið
formlega nafn: NordPol, samband nor-
rænna jákvæðra hópa.
Seinni fundurinn var haldinn í apríl '96.
Markmið NordPol eru meðal
annars:
Að gera fjárhagslega mögulegt að
halda NordAll.
Að styðja uppbyggingu hiv-hópa á
Norðurlöndunum og Eystrasaltslönd-
unum, og auka samvinnu þeirra.
Að stöðva útbreiðslu hiv-veirunnar
með fræðslu og félagslegum stuðningi
við hiv-smitaða.
Er hiv fötlun?
NordPol sótti um fjárstyrk til
Norrænu nefndarinnar um örorkumál en
fékk neitun á þeim forsendum að Hiv er
ekki viðurkennd fötlun á öllum Norður-
löndunum. Þetta er í raun spurningin
um af hverju Jákvæði hópurinn og
RFHP í Svíþjóð eru einu hóparnir sem
viðurkenndir eru til örorku.
Þessi spurning ásamt fleirum verða
meðal þeirra sem ræddar verða á
NordAll ‘96.
Jákvæði hópurinn
Sjálfstyrktarhópur hiv-smitaðra
er starfandi innan vébanda
Alnæmissamtakanna.
Markmið hópsins eru:
að gefa hiv-jákvæðu fólki tæki-
færi til að hittast á eigin forsend-
um í öruggu umhverfi.
að gefa félögunum tækifæri til að
taka afstöðu til eigin aðstæðna
með félagslegu samneyti og þátt-
töku í ýmsum vinnuhópum.
að taka þátt í því að bæta að-
stæður hiv-jákvæðra almennt,
jafnt félagslega, heilsufarslega og
pólitískt.
að taka þátt í því að breiða út
raunhæfar upplýsingar um hiv-
smit og alnæmi, svo og hagi hiv-
jákvæðra.
Hvað gerist í Jákvæða hópnum?
Félagarnir standa sjálfir fyrir öllu
starfi í hópnum og því fer starf-
semin eftir þörfum þeirra, orku og
tíma. Forgöngumenn um stofnun
hans voru hiv-jákvæðir sem sótt
höfðu ráðstefnur jákvæðra í
Stokkhólmi og Kaupmannahöfn.
Hvernig nær maður sambandi
við Jákvæða hópinn?
Viljir þú gerast félagi eða
fræðast meira um Jákvæða hópinn
getur þú hringt á skrifstofu
Alnæmissamtakanna á Islandi í
síma 552-8586 milli kl. 12 og 17
alla virka daga og fengið nánari
upplýsingar. Þá verður þér vísað á
Jákvæða hópinn. Fyllsta trúnaðar
er gætt í hvívetna.
Félagar í Jákvæða hópnum hafa
verið með fræðsluerindi um allt
land.
Frekari upplýsingar
fást á skrifstofu.
Jákvæði hópurinn
Sjálfstyrktarhópur hiv-smitaðra og fólks með alnæmi, Jákvæði hópurinn, er
sjálfstætt félag sem er starfandi innan vébanda Alnæmissamtakanna.
Upplýsingar um hópinn fást á skrifstofu Alnæmissamtakanna.
Aðstandendahópurinn
Sjálfstyrktarhópur aðstandenda hiv-smitaðra og fólks með alnæmi er
starfandi hjá Alnæmissamtökunum.
Hópurinn hittist reglulega og efnir til fræðslufunda fyrir aðstandendur
um ýmsa þætti alnæmis.
Frekari upplýsingar fást á skrifstofu Alnæmissamtakanna.