Læknaneminn - 01.03.1949, Blaðsíða 18
18
LÆKNANBMINN
Námstíminn.
Hvarvetna, sem læknanemar eru
saman komnir, berst talið fyrr eða
síðar að hinum langa námstíma, er
þeir verða að undirgangast. Menn
bregðast mjög misjafnlega við
þessu umræðuefni, sumir rjúka
upp og telja því þjóðfélagi allt til
synda, sem hefir svo langt lækn-
isnám, tala um kaup, styrkja-
hækkanir, ívilnanir og margt fleira.
Aðrir reka augun mest í kennslu-
fyrirkomulagið, sem þeir telja orð-
ið úrelt: of mikil teori en of litill
praxis; enn aðrir sjá, eða jafn-
vel ofmeta, kosti hin mikla bók-
náms, en telja tilhögun þess að
ýmsu ábótavant. I stuttu máli:
mörg mismunandi sjónarmið eru
ríkjandi, eins og eðlilegt er í stór-
um og sundurleitum hóp, en um
eitt atriði er algjört samkomulag:
námstíminn er orðinn of langur.
Orsakir þessa eru svo fjölþættar,
að ekki mun ráðlegt að fara út
í nánari sundurliðun þeirra á þess-
um vettvangi. Ef til vill má leita
grundvallarorsakarinnar í þeirri
staðreynd, að læknisfræðin verður
með ári hverju umfangsmeiri,
alltaf bætast við nýjungar, sem
hver um sig og allar saman víkka
sjóndeildarhringinn og gera þar
með æ meiri kröfur til nemandans
um yfirgripsmeira viðhorf, fleiri
minnisatriði, fleiri ályktanir. Það
er að vísu rétt, að enginn gerir
þær kröfur til læknanemans, að
hann hafi fulla yfirsýn yfir allar
hinar mismunandi greinar læknis-
fræðinnar, en hinu ber heldur ekki
að neita, að viðhorf hans og þekk-
ing þurfi að ná til miklu víðari
sviða en áður var, þótt ekki sé
lengra farið aftur í tímann en til
þeirra ára, er núverandi fyrir-
komulag kennslu íslenzkra (og
danskra) lækna var að skipast.
Annað atriði, sem eflaust á sinn
þátt í því, hve seint mönnum sæk-
ist námið, er hin mikla fjölgun
nemenda, sem orðið hefir, án þess
að form og aðstaða kennslunnar
hafi tekið neinum verulegum breyt-
ingum til að mæta þeirri fjölgun.
Félagssamtök læknanema hafa
hvað eftir annað hreyft þessum
málum, bæði með áskorunum, sam-
þykktum og tillögum. Þess ber
þó að gæta, að tillögur þær, sem
komið hafa frá þessum aðiljum
hafa verið mjög ófullkomnar og
miðazt við tiltölulega óbreytt form
og aðstæður, enda e. t. v. fyrst og
fremst fram komnar í þeim til-
gangi að sýna, að hugur lækna-
nema er vakandi fyrir þessum mál-
um.
Frá forráðamönnum deildarinn-
ar hefir hinsvegar mjög lítið heyrzt
— því miður. Það er þó sennilegt
að þeir hafi engu minni á-
huga á úrbótum en læknanemar
sjálfir, því þeir eru þó velflestir
bundnir við deildina um fleiri ára
bil en nemendurnir. Það er því von-
andi, að læknanemar sjái þá ósk
sína rætast innan skamms, að tekin
verði til athugunar og fram-
kvæmdar, róttæk breyting á öllu
fyrirkomulagi læknakennslu á ís-
landi, þannig að tíminn notist bet-
ur, sem til námsins er varið, jafn-
ari skipting fáist á teori og praxis,
nánara samband kennara og nem-
enda og skipulagning námsefnis og
námstíma meðal nemenda sjálfra.